Die huidige Soetveld rentmeesters is die 4de en 5de generasie eienaars nadat ons oupagrootjie, Johannes Frederik Lodewicus Janse van Rensburg die plaas Groenepunt op 31 Januarie 1910 gekoop het vir die bedrag van 214 pond (54 sent/ha).

Soetveld Boerdery bestaan uit vier afsonderlike plase. Klipput, Bellevue en Doornveld word ook sedert die vroeë 1900’s deur die van Rensburg, Venter en Eloff families besit. Die laaste renoster in die gebied is deur die vorige eienaar van Klipput, oom Buks Venter, se oupa op Bellevue geskiet kort na die Boereoorlog wat in 1902 geëindig het.

Die eerste deel van die woonhuis op Klipput is in 1912 gebou en die klipkraal langs die koppie is in 1918 gepak. Mnr Manie Eloff het in 1976 oom Buks se grond gekoop en op die plaas gewoon tot en met sy afsterwe op sy 83ste verjaarstdag, 11 November 2010.

The current owners are the 4th and 5th generation of our family to own and manage the farm since our great grandfather JFL Janse van Rensburg bought Groenepunt on 31 January 1910.